Unë jam Ferdinant Gjypi, mësues i edukimit fizik. Kam përfunduar studimet e larta në Akademinë e Edukimit Fizik dhe Sporteve “Vojo Kushi”. Prej më shumë se 10 vitesh punoj në arsim, duke u përkushtuar te edukimi dhe zhvillimi fizik i nxënësve. Karriera ime sportive ka qenë po aq e pasur: kam qenë sportist i ekipit kombëtar të mundjes për 16 vite, ku kam fituar tituj kampioni dhe më pas kam garuar për 2 vite në ligën gjermane. Pasioni im është të frymëzoj fëmijët që përmes sportit të rriten të shëndetshëm, të fortë dhe me vlera të qëndrueshme.