Përshëndetje, unë jam Amoreta Shima – Mësuese e Gjuhës Angleze. Jam diplomuar në Universitetin e Tiranës, Bachelor në “Studime Amerikane dhe Britanike” dhe Master Shkencor në “Mësuesi Gjuhë Angleze”, me rezultate të larta akademike. Prej 4 vitesh ushtroj profesionin e mësueses së gjuhës angleze në shkolla të ndryshme në Tiranë, ku kam fituar përvojë të gjerë në mësimdhënie dhe në mbështetjen e nxënësve në rrugëtimin e tyre akademik. Si mësuese e gjuhës angleze, jam e përkushtuar të zhvilloj aftësitë gjuhësore, komunikative dhe kulturore të nxënësve. Synimi im është të krijoj një mjedis mësimor motivues dhe bashkëkohor, ku nxënësit jo vetëm mësojnë anglisht, por edhe fitojnë vetëbesim, kreativitet dhe dashuri për gjuhët e huaja.