Pas përfundimit të maturës në Gelsenkirchen, fillimisht kreva një formim profesional për t’u bërë infermiere e diplomuar dhe punova në repartin e terapisë intensive. Paralelisht, studiova në Bochum Gjermanistikë, Romanistikë, Pedagogji dhe Psikologji dhe në vitin 1996 përfundova studimet me provimin e parë shtetëror për mësimdhënie në gjuhët gjermane dhe frënge. Pas përfundimit me sukses të provimit të dytë shtetëror, punova si mësuese në Abendrealschule (2001–2007) dhe në Gymnasium Siegburg Alleestraße (gjimnaz me degë dygjuhëshe) (2008–2019). Një kurs certifikimi i përfunduar me sukses krahas punës më mundësoi gjithashtu të jap mësim në lëndën e Filozofisë Praktike.

Në vitin 2019 u zhvendosa nga Gjermania në Varaždin të Kroacisë, për të punuar si këshilltare e departamentit të gjuhës gjermane në shkolla të ndryshme dhe për të mbështetur programin DSD.

Jam e lumtur që në Shkollën Gjermano-Shqiptare, së bashku me mësuesit e gjuhës gjermane, do t’i përgatis nxënëset dhe nxënësit për Diplomën e Gjuhës Gjermane (DSD I dhe DSD II) dhe do t’i vë njohuritë dhe aftësitë e mia në shërbim të shkollës, për të mbështetur sa më mirë programin e gjuhës gjermane. Në të njëjtën kohë, funksioni im si këshilltare e departamentit më jep mundësinë ta lidh DAS-in me shkolla të tjera DSD në nivel kombëtar dhe ndërkombëtar.